Bruno Sport no Rallye do Bierzo.

Comeza a temporada 2019!

Aínda co sabor que nos deixou na boca a Gala da Federación Galega de Automobilismo (celebrada en Cuntis o pasado sábado), arrancamos a temporada 2019 para un dos nosos equipos: Bruno Sport. Ídevos acostumado a esta denominación, xa que baixo este nome correrán Miguel Caeiro e Sergio Iglesias. Un equipo que este ano non dará tregua ás súas monturas.

Co flamante Peugeot 106 GTi recén pintado de cor “Negro Antracita”, participarán dentro da Copa Pirelli Top Ten B do CGR. Co Citroën Saxo VTS, o copiloto Sergio Iglesias, pretende facer o campeonato de Montaña Galego. Así mesmo, con ese vehículo participarán en probas de RallyMix.

Seguramente participarán nalgunha proba do CERA, pero cunha terceira montura aínda por determinar.

Dito esto, e para coller ritmo de competición, os nosos amigos desprázanse esta fin de semana ó Rallye do Bierzo. Unha proba á que según o copiloto Sergio Iglesias, afrontan como “unha forma de testear o 106 e para volver coller forma de cara ó campeonato galego”.

Estaremos moi pendentes deles durante toda a fin de semana a través das redes sociais da nosa escudería.

Un equipo, tres competicións; CGR, CGM e CERA. Lembrade este nome: Bruno Sport. Darán moito que falar nesta tempada 2019.

Advertisements

Abraham Duarte na V Subida de Chelva!

Os días 15 e 15 de Decembro, celébrase a Subida Villa de Chelva, en Valencia. Ata alí desplazase un dos nosos pilotos de Car Cross: ABRAHAM DUARTE.

Duarte, que rematou o Campeonato Galego de RallyMix na 3ª posición da súa categoría, vai probar o asfalto por primeira vez en terras valenciás. Ademáis, nesta proba teremos varios representantes galegos, todos vinculados ó fabricante de CarCross Ya-Car:

Abel Jurado (asturiano) e os galegos Javier Ramilo, José Arnaldo Solorzano e Abraham Duarte, formarán parte do escuadrón de Ya-Car que se desplaza xa desde venres ata terras de Valencia. Ver lista de INSCRITOS.

O noso Abraham, volverá correr cun CarCross de última xeración que xa probou en Barbadás e León. Estaremos moi atentos á evolución do noso piloto e tamén dos demáis representantes galegos/asturianos, xa que todos son bos coñecidos do Campeonato Galego de Rallye Mix. Aquí vos deixamos o enlace para ver os TEMPOS SUBIDA DE CHELVA

Abraham Duarte – Escudería Cuntis V.T.

Ulloa 2018. This is the end… or not!

Xa o decían The Doors: This is the end… my only friend, the end. 

Chegou a derradeira proba do Campeonato Galego de Rallye: Comarca da Ulloa 2018.  E coma sempre, aquí vos deixamos os equipos que nos representan. Ollo porque os dous equipos teñen opcións no casilleiro final.

• Pazos – Calvo: DORSAL 10. Ford Fiesta R2. Copa Pirelli Top Ten B: téñeno complicado, pero como os conocemos ben, xa vos podemos confirmar que se o coche o permite, darán moita guerra. Rematan a temporada de Rallyes de asfalto loitando e con opcións ó titulo dentro da Pirelli Top Ten B (menos de 1600CC). #olloConEles

• Caeiro – Iglesias: DORSAL 35. Peugeot 106 GTi. Copa Pirelli AMF: Estes dous amigos tamén teñen opcións ó podium final dentro da súa copa (opcións remotas, pero opcións ó fin e ó cabo). Recordemos que é o primeiro ano de Caeiro en competición e ademáis, é o primeiro ano de Iglesias como compañeiro de Caeiro (ainda que NON fixeron xuntos a tempada completa). Chegar á derradeira proba con opcións de facer podium, é digno de aplaudir para un equipo feito na metade da tempada e cun piloto sen experiencia (ollo con Caeiro para o ano,  porque aprende a unha velocidade espectacular).

Chegou a fin do campeonato.  Como cantaba Jim Morrison: This is the end…  or not! porque din as malas linguas -as boas tamén o dixeron-, que as redes sociais arderon esta semana e que os papeis con reclamacións de última hora, poden chegar a límites históricos… ante todo, moita calma. Calma, por favor.

Señores, isto é un deporte. Poñan os seus mellores zapatos, saian á pista e bailen para nós.  Fágannos disfrutar con cada trazada, con cada curva. Apuren os cambios de marchas e as frenadas. Mordan a cuneta. Levanten aplausos nas libradas de última hora… e sólo con iso, os afeccionados e afeccionadas, xa nos daremos por satisfeitos. Gracias por unha temporada de rallyes espectacular!

 

 

TOP3!!

Estamos de noraboa!! e queremos celebralo con todos vós:

Unha vez rematado o Campeonato Galego de RallyMix, o noso piloto Abraham Duarte colócase no 3º caixón do podium!! noraboa Abraham!!

Pero é que ademáis, a Escudería Cuntis V.T., tamén clasificou na terceira posición! #LumeNejro!!

RallyMix Barbadás “Memorial Gonzalo Belay Jiménez”

Esto non para! ainda non acabamos de asimilar o acontecido no Rallye De San Froilan e xa temos na palestra unha das últimas probas do Campeonato Galego de RallyMix: Barbadás. < pica para +info.

De entrada, mandámoslle unha forte aperta á organización do RallyMix,  a nosa noraboa por esa adicatoria ó gran Gonzalo Belay e tamén pola convocatoria do Primeiro Concurso Fotográfico que leva o nome de tan insigne fotógrafo. Boísima iniciativa!!

Agora imos cos nosos representantes:

Abraham Duarte. Dorsal 3. Agr1. CarCross YaCar.  O noso piloto de CarCross, sae a defender a súa 3º plaza dentro do campeonato. Sae motivado a repetir no podium e ollo porque onte mesmo nos confirmaba, a súa intención de participar na mítica Subida al Garbí. < pica para +info.

Francisco Sanmarco e Julio Rodríguez. Dorsal 40. Ag3. VW Golf. Os nosos amigos seguen sumando experiencias a bordo do seu Golf. Coma sempre, o obxetivo principal é seguir compenetrándose, rematar a carreira e a poder ser, facelo co coche enteiro. Siguen sumando experiencia e resultados para poder encher o coche de pegatinas na vindeira tempada. Gas máquinas!

Para rematar esta nota, deixámosvos a última cámara a bordo do noso piloto Abraham Duarte durante o RallyMix  da Gudiña 2018.

40º Rallye San Froilán

Penúltima proba do Campeonato Galego de Rallye de Asfalto: O San Froilán. Despois desta parada únicamente nos queda o Rallye da Ulloa. 

A terras luguesas, enviamos a 3 equipos que representarán á nosa escudería:

Pazos/Calvo: Dorsal 9. Agr3. Copa Pirelli Top Ten B. Chegan a esta proba líderes da súa clasificación na copa, pero a moi pouca distancia dos segundos clasificados. Este será un Rallye decisivo para as aspiracións duns, ou doutros. Un rallye que seguramente se correrá baixo a choiva e que se pode converter nun rallye de supervivencia que marque todo o campeonato. Estaremos moi pendentes.

Caeiro/Iglesias:  Dorsal 53. Agr3. Copa AMF. Pouco a pouco van aumentando o seu entendimento e compenetración. Últimamente están rematando moi ben tódalas probas ás que se presentan. Xa demostraron o seu bo facer no pasado Ribeira Sacra, donde remataron na pos. 36º da Xeral. Os dous participaron na pasada Subida á Estrada, donde Miguel se clasificou 4º da Agr4. e Sergio 1º da modalidade Regularidad 50 co piloto Manuel Piñeiro. Seguen sumando experiencias e xuntos empezan a ser unha dupla competitiva.

Sangiao/Hermida: Dorsal 59. Agr4. Copa AMF. O equipo volve á competición despois da participación do piloto Iván Sangiao na subida á Escusa, donde rematou na pos. 3º da Agr4. Estamos convencidísimos do gran papel que van facer neste San Froilan.

Estaremos moi pendentes durante toda a fin de semana e se a técnica o permite, na vindeira semana ofrecerémosvos algunha cámara interior. Para exemplo, deixámosvos o video da cámara a bordo do noso amigo Marcos Maceiras: 1º clasificado da Agr4 na pasada edición da Subida á Estrada. ENJOY!!

Rallye Ourense Ribeira Sacra 2018

Atrás queda, esta última edición do Ribeira Sacra. Unha proba que nos deixou un regusto agridoce, sobre todo se falamos da dupla formada por Pazos / Calvo e o seu Fiesta R2. Pero no caso de Caeiro / Iglesias, estamos súper contentos co seu resultado e os tempos logrados. Caeiro vai ganando confianza e iso nótase (recordemos que é o seu primeiro ano como piloto). Final:  POS 36 XERAL. 6º Copa AMF.  Noraboa rapaces! Aquí vos deixamos o vídeo da cámara a bordo de Miguel e Sergio no tramo de Vilanova – Luintra. 

E agora imos con Pazos / Calvo:

Para estes dous amigos, o rallye empezaba complicado: despois do golpe no pasado Botafumeiro e a falta de 4 días para a proba ourensana, o Fiesta aínda non estaba completamente montado (retrasos nos envíos das pezas).  Nesa mesma semana, xoves pola noite e co coche xa alineado, tiveron problemas cos palieres e as cunas. Probando o coche, rompe de novo un palier… montan outro de serie e alinear de novo, por certo, en Talleres Bugallo, Moraña. O venres, xa en Ourense, un dos amortiguadores traseiros e sen baixar o coche do camión,  queda sen aceite… e era completamente novo! para sair do paso, tiveron que montar outro de serie. Con ese amortiguador de serie enfrontanse ó tramo do venres e conseguen o mellor tempo da súa Agr. e tamén da copa Top Ten B.

A sorpresa chegou no control horario:  non engranaba ningunha marcha.  Coche á grúa e para as asistencias.  Santi Herbón, David Calvo, Toño Gonzalez “Tranganillo” e José Antonio, desmontan o cambio por completo e conseguen poñer o Fiesta a punto ás 3:30 da madrugada.  Aquí vos deixamos a foto:

Sábado pola mañá saen con 30″ de penalización que conseguen remontar nos dous seguintes tramos… pero no terceiro, salta de novo a sorpresa: avería eléctrica. Perden 14 min. 

Continuaron loitando e remontaron todo o que puideron. Despois de estar últimos na clasificación, seguiron marcando primeiros e segundos na súa Agr. e copa, pero de pouco serviu. A día de hoxe o coche está no taller para loitar de novo en Lugo. Estos dous débennos un podium bonito… pero son coma os Lannister de Juego de Tronos: “Siempre pagan sus deudas”

Vémonos en Lugo!

 

7° Rally Ourense Ribeira Sacra.

Imos falar dos nosos representantes no Ribeira Sacra, pero antes deixádenos recordar un par de detalles, porque a pasada fin semana foi moi intensa: Tivemos varios representantes na Subida á Escusa (Miguel Caeiro e Iván Sangiao) e tamén no RallyMix da Gudiña (Abraham Duarte e Francisco Sanmarco/Julio Rodríguez). Ademáis temos que celebrar dous 3° postos:

✓Abraham Duarte. Pos 3° Agr1 no RallyMix da Gudiña.

✓Iván Sangiao. Pos 3° Agr4 na Subida á Escusa. Noraboa mozos!

E agora centrémonos no #RallyRibeiraSacra. Desta volta mandamos a dous equipos:

✓Pazos/Calvo. Dorsal 10. Ford Fiesta R2. Agr3. Copa Pirelli Top Ten B (menos de 1.6l). Saen a defender o liderato despois do abandono no ansiado Botafumeiro.

✓Caeiro/Iglesias. Dorsal 54. Peugeot 106 GTi. Agr4. Copa Pirelli AMF. Siguen en periodo de adaptación. De feito, Caeiro participou na Subida á Escusa e fixo moi bos tempos. Quedou 6° da súa agrupación.

Estaremos pendentes ós tempos e publicaremos os resultados nas nosas contas de Twitter e Facebook. #LumeNejro!

 

 

 

Botafumeiro 2018: Sorrisos e bágoas…

Bágoas? Non, tampouco é para chorar. Pero o certo é que o Rali Botafumeiro deixou nos nosos equipos emocións enfrontadas.

Comezamos polos risos:

✓Adrián Martínez e J. Carlos Rodríguez: Peugeot 206 XS. Agrupación 4.

• Remataron un Rally durísimo acabando na Pos39 da súa Agr. e na Pos76 da Xeral. Son o equipo mellor clasificado da nosa escudería. Empregaron un tempo total de 1h22:57.879. Noraboa rapaces!!

✓Miguel Porto e J. María Fariña: Citroën Saxo. Agrupación 4.

• Remataron o Botafumeiro colocando o seu Saxo na Pos 42 da súa Agr. e na Pos82 da Xeral. Empregaron un tempo total de 1h26:02.224. Noraboa rapaces!!

 

Martínez/Rodríguez

Porto/Fariña

O resto dos equipos sufriron, uns máis e outros menos, pero sufriron:

✓Sangiao/Hermida: Peugeot 106 GTi. Agrupación 4. Copa Pirelli AMF.

• Comezaron mandando na xornada do venres. Situaron o seu pequeno peugeot á cabeza da Copa AMF e foron durmir co número 1 ás espaldas. Loitaron durante toda a fin de semana, pero na última pasada polo tramo da Estrada romperon unha rótula da dirección. Cambiarona en 10 min e conseguiron rematar rali. O siguiente tramo foi anulado e aplicaronlles o tempo da pasada anterior. Sacaron o coche do parque pechado antes de tempo e por iso non aparecen na clasificación final. Estamos moi orgullosos da súa actuación nun rali moi complicado.

✓Pazos/Calvo: Ford Fiesta R2. Agrupación 3. Copa Pirelli Top Ten B (menos de 1.6L).

• Saían a defender o seu liderato na Copa Pirelli Top Ten B, pero un golpe na especial do venres facíalles perder tódalas opcións. Os mecánicos de Egipto Motor repararon o coche de madrugada e conseguiron deixalo en condicións óptimas para correr o sábado. Mentres estiveron operativos marcaron uns tempazos dentro da súa categoría. De feito no terceiro tramo do sábado, colocaron o Fiesta na Pos8 e fixeron o mellor tempo da súa copa… pero de pouco sirveu. Apretaron para intentar recuperar tempo perdido, forzando quizais demasiado e apareceron os erros. Saída de pista, bomba de freno de man agarrotada e para casa. Out.

Publicabamos o video na nosa conta de Twitter e así reaccionaban os nosos amigos, entre eles o gran Albert LLovera:

✓Caeiro/Iglesias: Peugeot 106 GTi. Agrupación 4. Copa Pirelli AMF.

• Os nosos amigos estiveron todo o fin de semana na zona media da tabla e moi ben posicionados na copa AMF. No antepenúltimo tramo tiveron problemas coa caixa de cambios correron únicamente coa 3ª marcha. Egipto motor solucionou o problema e intentaron acabar o rali. O embrague deixounos tirados a falta dun único tramo para rematar. Out.

Atrás queda un Botafumeiro ó que lle tiñamos moitas ganas, pero que finalmente non saiu como esperabamos… e visto o visto, non fomos os únicos. Vémonos na seguinte cita!! Enjoy, pinflois!!

 

This slideshow requires JavaScript.