Rallye Recalvi Rías Baixas.

Terceira proba do Campeonato Galego de Rallyes de Asfalto: Rías Baixas! E ademáis coincidindo co día das Letras Galegas. Feliz día a tod@s!!

Ata alá se desplazan dous equipos da nosa escudería, que retoman a competición despois dos bos resultados obtidos nas dúas primeiras probas: Coruña e Noia.

✓Pazos/Calvo. Ford Fiesta R2. Agr3. Dorsal 14. Acabaron o pasado Rallye de Noia na Pos9° Xeral e 2° Copa Pirelli TopTen B. Loitarán de novo por estar unha vez máis na parte alta da clasificación e o primeiros postos da copa TopTen B, pero sempre cunha premisa:  Acabar o Rally e levar o coche enteiro para a casa. O campeonato é moi longo.

✓Caeiro/Iglesias. Peugeot 106 GTi. Agr4. Dorsal 17.  En Noia conseguiron a Pos21° Xeral e 7° Copa Pirelli TopTen B. Para eles a premisa é seguir sumando km e arrimarse o máis posible ós postos de cabeza da TopTenB. Sempre con cabeza fría: estamos na 3ª proba dun campeonato largo. Ademáis as previsións meteorolóxicas falan de baixada de temperaturas e probabilidade de choivas. Moito ollo.

Se queredes máis info sobre os tramos e os horarios recomendamos estas dúas páxinas:

Galiza Rally e Pé á Chapa.

 

RallyMix Touro.

Chega por fin a segunda proba do Campeonato de RallyMix: TOURO.

Desde aquí querémoslle mandar un forte abrazo a tódolos membros da Escudería Touro Motor, que a estas horas estarán traballando a reo para sacar a diante esta espectacular proba deportiva.  Lume nejro, amigos!

Unha proba cunha pista moi rápida e cun firme duro. Aquí tedes un video da edición 2018.

Desta volta os nosos representantes serán Miguel Caeiro e Raquel Fojo do equipo BRUNO SPORT.  Será a segunda proba para este matrimonio cuntiense que no pasado RallyMix Cuntis Vila Termal, remataron na Pos3 da súa agrupación.  Despois de Touro é moi probable que Raquel e Miguel fagan todo o campeonato.  Sorte familia!

 

XII Subida a Oia

Neste recén estrenado mes de maio, temos 2 citas importantes para o automobilismo deportivo en Galicia: o Rallye Recalvi Rías Baixas e a Subida a Oia. Dúas probas míticas do sur galego que veñen, ademáis, coas inscripcións ata os topes.

Pero centrémonos nesta fin de semana do 4 e 5 de maio, porque en Oia teremos varios equipos representando a nosa escudería.

Miguel Caeiro. Citroën AX SCC. AG1. Despois da súa ausencia na Subida á Saleta e de facer podium na I Subida a Marín dentro da AG1, volve con ganas de seguir sumando experiencias neste segundo ano de competición. Ademáis, esta proba servirá para entrar en ritmo antes do ansiado Rallye Rías Baixas.

Marcos Maceiras. Citroën Saxo VTS. AG4. O noso Marcos, leva dúas victorias nas dúas primeiras probas da especialidade de montaña.  Como xa sabedes a súa intención é ir facendo todo o campeonato de montaña e algunha proba de Rally. Será o Rías Baixas o primeiro da tempada? De momento teremos que esperar para sabelo… o que sí que podemos confirmar e que Maceiras estará na subida a Oia para seguir sumando puntos no casilleiro particular.

Sergio Iglesias. Citroën Saxo VTS. AG4. O noso compañeiro Sergio competirá na súa 3ª proba ós mandos dun coche (recordemos que é o copiloto de Miguel Caeiro no Campeonato de Rallye de Asfalto). Desta volta, e despois de marcar un 3º posto na Subida á Saleta dentro da AG4, Sergio ten que estrenar carrocería nova, así que será unha proba para comprobar que todo está no seu sitio e funciona como é debido. Un Sergio, que precisamente a semana pasada se desplazaba ata Barcelona para disfrutar do WRX en compañía do noso amigo e padriño Albert LLovera. Esperemos que aprenderas algo, Sergio!!